1er février - Homélie du Père Labour

Pa ti bizin appel le 1^er Fevrye ABOLISION LESKLAVAZ ?

Ti bizin appel  1^er févryer  1835 : ABROGATION LA LOI LESKLAVAZ dan Moris.
Sa zour la, la loi KI TI PERMET aste, et vann enn esclav kouma ou aste ek vann enn marsandiz, sa la loi la finn cancel.  Dakor.
La loi abolision lesklavaz li  aboutissman enn grand combat ki  finn    koumanse par bann esklav zot mem : - Depi bann esklav marron ki zot sel révolition c’est la fuite,  ziska la révolition bann esclav dan St Domaingue ki finn exers enn pression  lor bann gouvernman  pou finalman aboli la loi lor lesclavaz. Enn 2^ème rezon  li ekonomik. Lesklavaz ti aboli parski li ti nepli rantab pou bann proprieter ki finn gagne dédomazman. Enn travayer perdi so travay, so patron gagnn kompansasion.
Save dir ki nou pe fet labolition legal lesklavaz
Mais ESKI  lesklavaz dan so mentalité de domination  lor ras noir considere kom ras inferier….. finn aboli ?  Mo mem dan mentalite  mo prop fami lapo blan plis ki 150 an apres labolision ti ankor appel moi  BOUL TAMARIN dan mo l’enfans.
ESKI  Mentalité esklavazis finn aboli dan discrimination raciale ki bann descendan esklav pe ankor subir dan lemploi secter publik et prive ?
Eski lesklavaz dan so prejuge kiltirel finn aboli kan zot appel nou « tchiolo..sovaz »kan nou sant sega ?
Eski leskalvaz ekonomik fin aboli kan ban esklav « libere »pa ti gagn en bout later pou zot démaraz  kon pep libere,  alor ki bann indentured labourers sort depi l’Inde  zot zot ti gagne later dans grand et ti morcellement  et c’est ce qui explique zot situation social privilégié azordi alors ki ba bp bann descendan esklav ankor squaters ?
Eski lesklavaz politik fin aboli kan  le pep Chagossiens traite kouma enn marchandise  vande contre l’indépendance pei ? en 1835 lesklavaz legal aboli me dan enn negotiasion en 1968 pe van enn ti pep kouma ti vann esklav ?
Sa ve dir  ki  lesklavaz dan tou so bann rasinn ek so bann konsequans, li pa fini avek so labolision legal. Si oule aboli Lesklavaz avec so  destriksion limanite li enn long sime ki traverse nou memwar ek nou listwar ki pran enn long letan pou guéri. Dayer  le mot crime contre l’humanité appliqué à  Lesklavaaz pou arrive le 21 mai 2001 seulement !!!!=
ABOLITION ESKALVAZ LI ENN LONG SIME ki pass par libération kiltirel, économik, social, politik,  VERS LA VRAI LIBERATION; enn long sime ki limanité an antie bizin traverse. Limanite dan tou so composant : bann ki ankor amprisone dan mentalité esclavagis ki fer zot zistifie dan le monde moderne bann traitement inhumain lor zot frer ek ser dan limanite. Pou nou chrétiens,  ZEZI nouveau Moïse li avek nous  dan sa long sime la. Li vinn arass rasinn lesklavaz dan leker tou dimounn.   Avek Martin luther King, Rosa Parks,  Nelson Mandela, Desmond Tutu, Nina Simons, c’est  Zezi li mem ki  anvoy nou pou nou kriye dan la mond antie  larg mo pep larg li les li ale. !!
CHANT : LES MO PEP ALE
Nou pe selebre lames dan legliz LA GAULET, parwas pres kot LE Morne kot bann esklav ti finn kasiet et donne zot lavi. Le morne kot histoir nou memoir concentre.
Get bien : l’autel lor ENN BATO ki represant bann bato negrier ki finn transport depi l’Afrik, par million bann esklav à traver l’Océan  pendant 13 siècles.?  zezi dan levanzil traver la mer pou zoinn avek nou. Pli divant en enn phare :: la limièr lesperance dans marée noir. En ici kot nou lir la Parol, enn gouverail qui donn nou la direction pour aller.
Sak fwa nou célébrer la messe nou pe fer memoir ki Zezi pe donn so lavi  pou condir nou sime, fer nou traverse de lesklavaz à la libération. (le mot libération li plis ki liberté parski li ve dir enn délivrance intérieur aussi bien ki extérieur). L’autel dan l’glise c’est là kot Zezi, agno Bon die finn donn so la lavi pou liber lou de lesklavaz du péché.
Kan Moïse dir Pharaon :  LES MO PEP ALE ek li reussi travers la Mer Rouge, li ankor kwar ki lesklavaz li zis dan l’Egypte, enn lieu géographique kot letan ou tourne ledo ar li , lesklavaz fini .. mais dans désert ziska zot instal zot dan pei ki Bon Die ti promet, zot pou travers enn long sime pou découver ki lesklavaz la li partou en dehors zot et andan zot mem :  la vie dur dans déser pou montrer,  Manque fraternité, fatalisme, trahison entre frères, idolâtrie, tentation largent ek konsomation pou kas lalit libération. Kan zot rente en Canaan
dan bann système domination politique, dans  supoze ,supériorité culturelle religieuse, dan lidolatrie largent, dans domination sexuelle, koription ek proteksion montagne.
Kan nou selebre la mess dan nou legliz Zezi, nouveau Moïse, fer nous travers depi lesklavaz péché ziska la libération resurection. Bann zuif finn pass par enn long sime pou découver ki la libération de lesklavaz d’Egypt li enn premier pas vers bp lesklavaz dan zot mem  ki zot pou découver dan désert.
Ek nou fer memwar bann combatan,  bann profet, bann symbol  lor ça sime là : Martin Luther King avec Rosa Parks,  Mandela avec Desmond  Tutu, Obama avec so madam, Roger Cerveaux avec les frères Michel.