Le père Jean-Claude Véder, directeur de l’ICJM et un des initiateurs de Affirmative Action, a lancé sur sa page facebook un cri du cœur concernant le fléau de la drogue qui prend de l’ampleur dans le pays et qui détruit de plus en plus de familles. Nous reproduisons ci-dessous l’intégralité de son message.Chaque jour je vois défiler les papas et les mamans qui viennent pleurer parce que leurs enfants sont dans l’enfer de la drogue. Parfwa pa zis enn me osi 2, 3 zanfan !
2. Je réalise que je suis impuissant. Nek zis ekoute ! Dir zot priye ! Konsey zot bann sant reabilitasion, lopital !
3. Ena paran pe fer 2, 3 travay pou trouv kas pou donn zot zanfan. Ena p depans ziska Rs 100,000, Rs 200,000 e plis ankor pou resi donn zot zanfan pou li pa kokin pou gagn so doz !
3. Bann sant nepli kone kouma pou fer
4. Bann formasion ki p met an plas pa resi reponn lapel
5. Komision lor ladrog mo pe poz mwa kestion si pou resi fer kitsoz lamanier ki sa pe ale…
6. Larestasion spektakiler 3 skiper dan Grand-Bay fer mwa reflesi ki sann-la deryer otan larzan… Kot gro bone la ete ? Mafia la kot li ete ? Eski skiper kapav ena sa kantite miliar roupi pou aster ladrog pou revande ? Ki ena deryer sa matrakaz mediatik avek zournalis, l’ADSU kan ti aret sa 3 skiper la ? Zame monn trouve ki kan aret voler dir televizion vini !
7. Nou tou nou konplis par nou silans akoz samem mo larg lekor.
8. Volonte politik ena me nou p pini pann seki pa merite. Seki bizin al dan prizon pa pe met lame lor zot. Eski zot proteze ? Peut-être ?
9. Nou krwar ki ladrog li tous lezot me pa nou fami. Atansion ! Li partou akoz samem li danzere e li bizin enn preokipasion NASIONAL !
10. Eski nou pou res trankil ? Eski nou pou bous lizie ? Eski nou pou ferm labous ? Eski nou pou krwaz lipie trankil divan lekran portab ek televizion ? Divan problem ladrog pena recensement ethnique; tou dimoun touse, tou dimoun konserne ! Bizin enn soulevman ! Ala kifer mo larg lekor ! Ena dimoun ki pou aksepte leve ? Mersi bann dimoun ki depi lontan p travay e kitfwa zot ousi zot p larg lekor.
Laisser un commentaire