Homélie du père Moctee à la messe du 1er février 2013

Freres et soeurs,
Enn ti la grain moutarde pe vinn reveille nu gramatin la pu fete 178eme anniversaire de labolition de lesclavage.n la grain moutarde la li  enfouie dan la terre et nu capav blié li par rapport  lampleur bann festivites qui pe deroulé zordi pu marque li beration bann esclav en particulier ascendants pep le morne aveq so alentours.
La grain moutarde la, li enn premier symbole qui nu vrai liberater Jesus inn amene. Dan so combat pou la justice eq la verite li finn accepte enfouir li dan la pate lumanite pou qui chaq humain vinn semence la justice eq la verite.Sa grands arbre qui la grain moutarde inn vini la , li capav compare arr sa grands arbre nou la foi qui nou appelle la croix Zezi. Et cest la qui tout bann malhere prend zott la force, prend disang  zezi pou diboute dan la vie, pou na pas resigné. La croix, li pas enn fatalite mais li la source la vie pou tou croyant. Li pas rare qui nu trouv enn malheré pe cause arr zezi lors so la croix. Sa  enn grand mystere dans la foi. Quand malheré la pe guett so bondié innnocent et  condamne lor la croix, sa faire echo arr so la vie memm si li li pas toujours innocent. li dirr to memm pu sov moi, to mem mo liberater. Comma chaq pied moutarde capav accueilir bann zoizeau,dan lombrage so la croix , Jesus  ,accueille chaq malhere  aveq  lesprit qui finn ressuscite li.  Alors chaquenn vinn enn semence la foi, enn ti la grain moutarde..

Dan sa ti la grain moutarde la ena  tout so ingredient a linterieur pu donne chaquenn confiance en limem. Confiance dan combat pu la justice, laudace pu denonce linjustice. Et nu conne qui zezi, bien non violent, qui li ti été ,li pas ti mache so mot. Dan so proces li ti toujour dire ce qui l`esprit ti dirr li.

Sa ti la grain moutarde la quand li commence sorti dan la terre. Cest comma nu quand nu commence sorti de nu memm, nu pas replie nu lor nu. Ti la grain moutarde la pu conne tou bann pression en dehors qui rode zette li toujours pli bas. Mais li pu resiste parcequi so puissance li interieur de li mem.

Nu bizin pas perr quand nu trouv bann qui vinn arr  gros lacoque lor zott pu faire tipti gagne perr , tipti ferme la bouche. Zezi li ti libre devant zott. Nu bizin croire qui ti la grain moutarde, li la force bondie dan nu la vie.

Fete liberation lesclavage li la a la fois faire prend conscience et rendre hommage chaque annee tout bann zomm eq femme qui finn diboute au nom de la verite et de la justice en face des gouvernants pu faire respecter bann droits humains. Zordi li tout a fait normal qui beaucoup associations et mouvements de tout bord lutte pour  developpement de tout homme qui tout dimoune dans se vingteunieme siecle capave vivre enn la vie descente. Li pas bizin vinn riche ou imite bann riche mais li bizin gagne enn la vie cott zott dignite pas bafoue.

Aussi si nu dirr le morne barometre nu lavancement parcequi le Morne li enn symbole fort dan nu lile Maurice. Bann habitant le Morne zott bizin fier de tout bann grand lhotel qui existe dan zott village. sa village le morne la li  reconnu dan le monde zordi comme  enne  vraie bijou de l`humanité ,patrimoine mondiale de l`unesco..  Mais à coté de tout sa ena comma enn paradoxe quand nous guette li dans la vie so peuple zordi. Situation de la plupart so bann habitant reste criant  quand nu guett bann different barometre.   Zott conné qui enn barometre li mesure bann pression atmospherique. Ena aussi zordi barometre politique , economique,eq sociologique. Nu finn invente barometre lepep le morne pu constate cott sa ti pep la été, cott so destinee. Qui faire la chaine pe maille encore arr so lipié. Situation sociale au Morne li bien critique. Juste lexemple des echecs scolaires   dirr nu ce qui pe passe tout autour dan la vie fami, dan la vie zenfant eq bann zenn.

Mais qui ca na responsable tout dimoune responsable, le pep , bann gouvernants et l`Eglise et tout bann les autres autres confessions religieuse.Car li enn cause humaine, cause nu semblable,cause nu bann freres eq sœurs. Est-ce qui la grain moutarde inn pourri. Bien sur non et jamais ? parce qui bondie qui finn vinn plante li dans verite et la justice dans le cœur chaque humain.

Nu conne enorme s efforts qui gouvernement, bann associations, le district council ,le Morne Heritage Trust fund, Bann institutions religieuses eq mouvements inn ferr pour qui la vie bann habitant morne vinn descente. L`Eglise à travers le Service dÈcoute et de developpement, li très actif lor Morne eq so zenvirons . Ena aussi  comite premier fevrier qui  Diocèse inn mettre en place depi vingt ans pour travaille afin qui la justice soit rendu au plus pauvre s au plus malhere. Tous ensemble, pe travail dan enn memm direction pou la memm cause. Personne pas contre so partenaire lor sa terrain là. Mais desfois nu remarque qui on dirait pe patoze dan la boue, bann probleme elementaire et humain pas pe resoudre.  Si ti la grain moutarde demane le temps pou vinn enn grand arbre, bizin guett qui pe touffe li pou enpeche li evolue. Le Morne, li dan la nature , li pas gagne droit tardé pou evolue. Est qui pas pe ena trop de papiasrie autour qui enpeche trouve banne decision qui finn prend  pou mettre en application afin qui population le morne capav trouve so l`oxygene  au pli vite?

Nu bizin remarque qui li enn grand richesse dans nu pays cott  differentes institutions collaborent avec lÈtat au Service le pep. Quand enna accord eq decision lor enn projet. Bizin all de lavant.

Habitants le Morne et les alentours zott bizin prend zott responsabilite. Zott bizin rassemble dan liniteTou sa bann ti la grain moutarde la coste ensam li fer enn grand la foret. Zott pu capav donn loxygen le monde entier par zott decision pu marche ensam pu enn lavenir meiller.  Zott pu capav eclaire bann grand lesprit. Quand ena bann ti reunion  pqui concerne zott memm , la vie zott zenfant, vinn participe, vinn ecoute.

Frere et Sœur, en ce jour nu p fete labolition de lesclàvages.demann bondie premier de libere nu le ker , fer nu sorti de nu memm commati  la grain moutarde qui sorti dan la terre pu qui nu all libere nu bann freres,  qui vive dans lesclavage moderne. Le morne barometre nu lavancement. Lavancement tout le pep mauricien. Et nu conne quand nu pe dire le pep morisien, nu pe dirr le pep rodrigue eq Agalega.  Qui bondie vinn libere nu tout zordi , qui malhere vinn here, tout prisonnier vinn libre, qui bann avegle trouve la limier. Amen